Coleg Ceredigion
Manylion Cysylltu
Ffôn: 01970 639700/01239 612032
Ffacs: 01970 623206/01239 622339
E-bost: enquiries@coleg-powys.ac.uk
Gwefan: www.ceredigion.ac.uk
Y Coleg
Mae Coleg Ceredigion yn goleg addysg bellach dwyieithog gyda dau safle – un yn Aberystwyth ac un yn Aberteifi. Mae ein cyrsiau yn cynnig amrywiaeth eang o gyfleoedd i ddysgu ar gyfer y rhai sy’n ymadael â’r ysgol ac oedolion a phob blwyddyn mae oddeutu 700 o fyfyrwyr amser llawn a 2000 o fyfyrwyr rhan amser yn cofrestru gyda’r coleg.
Rydym yn falch bod ein coleg wedi llwyddo yn gyson tros y blynyddoedd a hynny o ran y cymwysterau y mae ein myfyrwyr yn eu hennill ac o ran y myfyrwyr yn symud ymlaen i swyddi neu addysg uwch.
Cyrsiau
Mae’r Coleg yn cynnig amrywiaeth o gyrsiau yn y meysydd canlynol: Celfyddyd, Arlwyo, Adeiladu, Busnes, Peirianneg, Dodrefn, Addysg Gyffredinol, Iechyd a Gofal, TG, Celfyddydau Perfformio ac Ysgrifenyddol.
14 -19 oed
Mae Coleg Ceredigion yn cynnig amrywiaeth eang o gyrsiau sy’n amrywio o’r lefel mynediad i Ddiplomau Lefel 3 sy’n cynnig dilyniant oddi mewn i, a rhwng, y meysydd rhaglen hyn: Celfyddyd, Arlwyo, Adeiladu, Busnes, Peirianneg, Dodrefn, Addysg Gyffredinol, Iechyd a Gofal, TG, Celfyddydau Perfformio ac Ysgrifenyddol. Mae’r coleg hefyd yn cynnig cymorth ariannol trwy gyllid LCA(Cymru) ar gyfer y rhai 16-18 oed a chyllid GDC(AB) ar gyfer myfyrwyr 19 oed a throsodd. Cysylltwch â ni am ragor o fanylion.
Prentisiaethau & Swyddi Dan Hyfforddiant
Mae Coleg Ceredigion yn cynnig sawl math o raglenni Dysgu yn y Gwaith a fydd yn gymorth i chi ddod ymlaen, yn cynnwys y Brentisiaeth Fodern Sylfaen, y Brentisiaeth Fodern a’r Diploma Sgiliau Modern. Er mwyn cofrestru ar unrhyw un o’r rhaglenni Dysgu yn y Gwaith mae’n rhaid i chi fod mewn swydd yn y sector perthnasol.
Mae’r Prentisiaethau yn rhaglenni ymarferol sy’n ymwneud â gwaith a fydd yn fodd i chi ddysgu a datblygu’r sgiliau angenrheidiol ar gyfer hybu eich gyrfa.
Addysg Uwch, Wedi Graddio a Phroffesiynol
Mae Coleg Ceredigion yn cynnig dewis o gyrsiau lefel uwch wedi eu llunio i fod yn bont tuag at Addysg Uwch.
Mae’r rhain yn cynnwys:
- Cymdeithas y Technegwyr Cyfrifo (yr AAT) sy’n arwain at gymhwyster Technegydd Lefel 4 AAT.
- Tystysgrif Addysg i Raddedigion (Addysg Ôl-orfodol) y mae Prifysgol Cymru Casnewydd yn ei rhyddfreinio.
- QAA Mynediad i Nyrsio a’r Proffesiynau Iechyd
Dysgwyr sy’n Oedolion
Mae Coleg Ceredigion yn cynnig amrywiaeth o ddewisiadau ar gyfer dysgwyr sy’n oedolion a hoffai ddatblygu sgiliau newydd ar gyfer datblygiad gyrfaol neu bersonol. Mae cyrsiau byrion yn ystod y dydd a min nos mewn amrywiaeth o bynciau yn cynnwys TG, Crefftau’r Cartref ac Arlwyo. Mae digonedd hefyd o ddewisiadau amser llawn ar gael.
Cyflogwyr
Pa un a ydych yn chwilio am hyfforddiant yn y diwydiannau Gwesty, Trwyddedu ac Adloniant, Cyrsiau Statudol yn cynnwys Cymorth Cyntaf ac Iechyd a Diogelwch, neu’n bwriadu datblygu sgiliau arwain a rheoli eich gweithwyr, mae Cyfadran Fenter arobryn Coleg Ceredigion yn gallu helpu.
Mae’r Gyfadran Fenter yn gallu cynnig hefyd hyfforddiant pwrpasol ar y safle er mwyn sicrhau’r hyfforddiant gorau sy’n bosibl ar gyfer eich busnes. Cysylltwch â’r Gyfadran Fenter am ragor o fanylion.
Dyddiau Agored
Mae ein dyddiau agored yn fodd i chi ddod i weld y cyfleusterau rhagorol sydd ar gael, a thrafod gwahanol gyrsiau gyda’r tiwtoriaid. Gallwch hefyd drafod cymorth ariannol a materion trafnidiaeth gyda’n swyddogion Cyngor a Chyfarwyddyd.
Dyma ein Dyddiau Agored nesaf:
Aberystwyth
Dydd Iau Tachwedd yr 20fed 2008 4-8pm
Dydd Llun Mawrth yr 2il 2009 4-8pm
Dydd Llun Mehefin y 15fed 2009 4-8pm
Aberteifi
Dydd Llun Tachwedd yr 17eg 2008 4-8pm
Dydd Iau Mawrth y 5ed 2009 4-8pm
Dydd Iau Mehefin y 18fed 2009 4-8pm
Am ragor o wybodaeth cysylltwch ag Aberystwyth -01970 639700, Aberteifi 01239 612032 neu E-bostio enquiries@coleg-powys.ac.uk